Hér er framhald af myndavéla ferðalaginu…
recent posts
about
-
Forstofugangurinn… Spegill, spegill… Stigahúsið… Hó,hó,hó… Litla gestaklósettið vantaði einhvern sjarma svo við ákváðum að mála það fyrir jólin og hressa aðeins upp á lúkkið… „gamla“ tréð í saumaherberginu mínu… Maður verður nú að hafa líka smá jóló í gestaherberginu… Jólatréð hennar ömmu sem var keypt á Ísafirði 1939 Ég elska þessa „sölubása“ Jólasokkar og aren-glóð (saltsteinar og sería)… vetrarland… borðstofan… þorparara í þorpinu… Jólasveinasería.. Gínan var að sjálfsögðu sett í „jólakjól“… Barnaland… jól úti… Hátíðarkveðja úr no.14 -
Ég fór smá hring með myndavélina og myndaði jólastemminguna hér í no.14 mig langar til að leyfa ykkur að njóta með okkur…
Jólasnjór… 
Sólstofan í jólabúningi, ég klippti og skar út hús og tré í gluggana úr hvítum pappa… 
Jólatréð og jólalestin… 
Kósýheit… 
Gömul jólakort, það elsta á snúrunni er síðan 1939 og var til Gústa afa og Gunnu ömmu sem þá bjuggu á Hlíðaveginum hér á Ísafirði. 
Magasleðann góða fékk ég þegar ég var krakki í Ólafsvík… 
-
í dag var gerð tilraun í jólabrauðsteikingu hér í no. 14.
Þetta er mjög auðveld uppskrift sem ég fékk fyrir mörgum árum hjá frænku minni, sem eitt sinn bjó hér á Isafirði.
1 kg. Hveiti, 100 gr. mjúkt smjör, 10 tesk. lyftiduft, 1 1/2 tsk salt, 1/2líter volg mjolk. Hnoðað – flatt þunnt út – skorið út eftir diski (ég notaði stort hjartamót) pikkað og steikt í feiti eins og kleinur. Borðist með smjeri og hangikjeti….
-
Eldhúsið er nú yfirleitt fyrst í röðinni þegar kemur að því að skreyta fyrir jólin, en svo var ekki í ár….
-
Ég ólst upp við þá hefð að það var bakað laufabrauð heima. Pabbi flatti út deigið, við skárum út og mamma steikti. Við höfum reynt að halda í þessa hefð nema að gera deigið, nú kaupir maður kökurnar bara tilbúnar til útskurðar!
Við eigum að sjálfsögðu til laufabrauðsjárn og maðurinn minn sagaði út þessa fínu platta til að skera brauðið út á og hlemm til að pressa kökurnar með eftir steikingu.
Í kökurnar eru skornir út stafir eða bara skraut og stundum höfum við gert ártal á kökur.
-
Ein af föstu venjum hér á bæ fyrir jólin er að gera Daimísmarenstertu. Í ár prófaði ég lika að baka marens í muffinsformum og setti svo Daimís ofaná, það gæti orðið smartur eftirréttur…
-
…ójá hann fer sko víða sá rauði og nú er það baðherbergið….
Jólakósý… 
Glugginn… 
Ummmm… uppáhalds jólailmurinn minn.. 
-
Þar sem ég er að fara í aðventuferð til þýskalands í næstu viku, þá er tekið dulítið forskot aðventusæluna hér í T14.
svefnherbergið fekk fyrstu heimsókn af háaloftinu…
Ég verð að segja það að þær eru snilld þessar stangir sem maður kaupir i IKEA og getur látið stjörnur standa á. 
Nýji skápurinn fékk lika dulítið jólalukk… 
Þessir berjakransar eru ofboðslega fallegir og gera svo mikið jóla, jóla.. 
Jólapörin min mætt… 
Hóhóhó… gefðu mér gott í skóinn.. . 
Jólastemmning…. 
Það eru sko fleiri en börnin sem biða spenntir eftir þessum tima ársins… ❤️ -
…piparkökuhúsagerð á sér langa sögu í minni fjölskyldu. Foreldrar minir gerðu heilu þorpin sem þau gáfu svo litlum frændsystkinum minum. Svo gerðu þau alltaf eitt svona auka sem nota átti í varahluti ef eitthvað færi úrskeiðis… Heilu kvöldin fóru svo í skreytingar og samsetningar á húsunum. Krakkarnir minir voru alltaf voðalega spennt fyrir þessum kvöldum hjá afa og ömmu. Um siðustu helgi var svo piparkökuhúsaskreytingadagur hjá fjölskyldunni, hluti af henni komst þó ekki til að vera með þar sem veðrið let frekar illa….
Frúin var að sjálfsögðu með sinn stíl 
…harðangur og klaustur bara tekið á’ etta 
…áttablaða rósin… 
Þetta er dulítið öðruvísi en piparkökuhusamælun síðustu áratuga… 
…en skemmtilegt að prófa eitthvað nýtt…. 
… Hér er Frúin búin að líma saman húsið og að þessu sinni var límbyssa notuð í verkið. Venjulega höfum við brætt sykur og limt þannig en þar sem ég taldi engan vilja borða húsið á minu heimili þá leyfði ég mér að nota lím…. 
… Húsið á svo eftir að fínpússa. Sprauta þar meiri glassúr á það og bua til grýlukerti og fleira…. 
….börnin höfðu sem betur fer áfram sinn smekk…. 
….glaðlegir litir og nammi…. 
… Þið fáið örugglega nánari fregnir af kökuhúsinu þegar búið er að setja það á sinn stað fyrir jólin… Kveðja Gunna
-
Ég réðst í málningarvinnu nú á helginni. Fórnalambið að þessu sinni var baststólinn sem ég eignaðist í sumar. Baststóll sem þarf sjæningu… Ég ætla því að leyfa ykkur að skoða fyrir og eftir myndir. Eg er amk mjög sátt við breytinguna….
Hvítar rósir og rómantík... 