Þar sem ég er kertasjúk og er sífellt að tendra upp ljós, þá þarf oft að kaupa ný kerti inn á heimilið. Og auðvitað þarf frúin alltaf að breyta og bæta lúkkið á kertunum þegar heim kemur 🙂 Hér er sýnishorn af síðasta „fórnalambinu“ …
…falleg servíetta sett á þetta líka flotta kerti úr R.L. og frúin bara nokk sátt með útkomuna
Kveðja Gunna 🙂
Jæja þá er næsti skápur kominn úr kalkmeðferðinni góðu og er ég alveg rosalega ánægð með útkomuna á honum 🙂 og þegar raða átti aftur inn skápinn, því sem var í ´onum áður, þá þótti mér sumt ekki vera nóg og „flott“ til að fara inn í skápinn. svo nú er verið að skoða lagerinn og hvað hægt sé að flytja milli staða 😉
Kveðja Gunna 🙂
Ég hef lengi haft brennandi áhuga á gömlu góðu dúkkulísunum sem maður lék sér með þegar maður var aðeins yngri 🙂 en í dag safna ég dúkkulísum og á orðið nokkuð gott safn sem ég hef fengið að skanna eða ná mér í á netinu. Ég á mér uppáhalds, það eru gamlar dúkkulísur sem eru m.a. frá mömmu minni, það eru Mjallhvít og dvergarnir 7. Mamma átti einn dverg eftir af sinni seríu og svo skemmtilega vildi til að Ingu vinkonu áskotnaðist 3 dvergar inní seríuna. Nú er það spurningin hvort einhver þarna úti eigi dverga eða hana Mjallhvíti sjálfa, inní safnið mitt og sem ég gæti kannski fengið að skanna???? ég er mikið búin að leita á netinu en hef ekki fundið eins, en ég fann áþekka dúkkulísuseríu en þó ekki alveg eins. Eins langar mig að eignast gömlu góðu dúkkulísurnar sem voru aftan á haframjölspökkunum hér í denn.
Dvergarnir 4 (Mjallhvít er úr annari seríu).
Kveðja Gunna
jæja ég er búin að ganga lengi með þann draum að mála „nokkra“ skápa á heimilinu og fá á þá svona „shabbý“ áferð. En erfilega hefur gengið að fá „meðeigandann“ til að samþykkja þessa hugdettu húsmóðurinnar. En loksins kom að því að við náðum samkomulagi um aðgerðina og keyptir voru auskula kalklitir frá kalklitir.com og akrílgrunnur, nú og svo var hafist handa! Hér fyrir neðan eru fyrir og eftir myndir af glerskápnum. (Hinir skáparnir tveir eru í meðferð). Ég er mjög ánægð með breytinguna og „meðeigandinn“ held ég líka…
Kveðja Gunna
