Ég var að flandrast á facebookinu í gær og skoðaði þar síðu sem Gamlir munir eiga þar rakst ég á svakalega fallega heklaða kappa, sem ég heillaðist af. Ég hafði samband við hana Herdísi sem er með fornsölu heima hjá sér og fékk ég að koma til að skoða kappann með puttunum… 🙂 það fór nú svo að ég fékk báða kappana sem eru hvor um sig ca. 2 metrar að lengd, með mér heim. En í framtíðinni á fá þeir að prýða gluggana í nýja húsinu okkar ❤
Hér eru sýnishorn, ég á að sjálfsögðu eftir að þvo þá og stífa. Svo ætla ég að sauma þá neðaná bómullarefni, þannig að kappinn verði breið blúnda!
Mig langar mikið til að fá „kristalla“ til að hengja neðan í kappann, en ég hef ekki fundið neina svona glerkristalla þó ég hafi leitað víða… en kannski vitið þið hvar ég fæ svoleiðis skraut!! Hugmyndina fékk ég á netinu ( 2.bp.blogspot.com), þið sjáið hana hér fyrir neðan…
Ég fann þessa kristalla í skúffu hér heima og langar í eitthvað svipað…
Þessi blúnda er svakalega falleg…
Frú óþolinmóð á nú dálítið erfitt með að bíða eftir því að geta nú mátað blúndukappann í tilvonandi glugga og virka því 8 mánuðir órafjarri…
Ég er rosalega glöð í hjarta mínu að „þurfa“ ekki að hekla þennan blúndukappa sjálf… nóg að þurfa að stífa og strauja hann fínan ❤
Mjúkarkveðjur inní helgina, Gunna ❤
Hvítar rósir og rómantík... 
Skildu eftir svar við Sólveig Hætta við svar